ଶ୍ରୀ ରାମ

Happy ରଜ ସଂକ୍ରାନ୍ତି

ପୋଡପିଠା

ସକାଳେ ଉଠିବା ପରେ ବୋଉଙ୍କ ରୋଷେଇ ଘରୁ ଆସୁଥିବା ସୁସ୍ଵାଦୁ ବାସ୍ନାରୁ ହିଁ ଜାଣିହେଉଥିଲା ଯେ ଆଜି ଘରେ କିଛି special ହେବାର ଅଛି । ପରେ ଯେତେବେଳେ ଘରେ ପାରିବା କାଟିବା ପାଇଁ ଡାକ ପଡିଲା ସେତେବେଳେ ଜାଣିପାରିଲି ଯେ ହଁ ଅଜିଠୁ ରଜ ପର୍ବ ଆରମ୍ଭ ହୋଇ ସରିଲାଣି । ଘରର ପାରିବ କଟା ଓ ଠାକୁର ପୂଜା ସବୁ ସରିଲା ପରେ ବଜାରରୁ ବୋଇତାଳୁ ଓ କିଛି ପୋଡ ପିଠା ପାଇଁ ଦରକାର ଥିବା ଜିନିଷ ଆଣିବା ପାଇଁ ଆଦେଶ ମିଳିଲା ବୋଉଙ୍କ ଠାରୁ । ବଜାରରୁ ଫେରିବା ପରେ ପ୍ରଥମେ ଚକୁଳି ତରକାରୀ ଜଳଖିଆ ହୋଇଗଲା । ତାପରେ ବଜାରରୁ ଆଣିଥିବା ବୋଇତାଳୁ ଭାଇଙ୍କ ହାତରେ କଟା ହେଲା ଓ ମୁଁ ନଡିଆ ଭାଙ୍ଗି ଛୋଟ ଛୋଟ ଖଣ୍ଡ କଲି । ଏହାର ପରବର୍ତ୍ତୀ କାର୍ଯ୍ୟକ୍ରମ ମୋ ପାଇଁ ଅଜଣା । କିଛି ସମୟର ଅପେକ୍ଷା ପରେ ପୋଡପିଠା ର ସୁସ୍ଵାଦ ଭୋଜନ । ହଁ ଜଣେ ଓଡିଆ ହିସାବରେ ଆଜି ପ୍ରାୟ ସମସ୍ତଙ୍କ ଘରେ ଏହା ସାଧାରଣ ହୋଇଥିବ ବୋଲି ଭାବୁଛି ଓ ସମସ୍ତେ ଏଇ ପୋଡପିଠାର ମଜା ନେଇଥିବେ ।

ପରେ ସନ୍ଧ୍ୟା ସମୟରେ ଏକାକୀ ବସିଥାଏ କିନ୍ତୁ କିଛି ଅଭାବର ଅନୁଭୂତି ହେଲା ସେତେବେଳେ ମନେପଡିଲା ଯେ ଆଜି ପର୍ବ ପାଇଁ ସୁସ୍ଵାଦୁ ଭୋଜନ ରେ ପାଟି ଓ ପେଟ ଉଭୟ ଶାନ୍ତି ହୋଇଯାଇଛି କିନ୍ତୁ ଜ୍ଞାନର ଅଭାବରେ ମନ ଶାନ୍ତି ହୋଇନାହିଁ । ତେବେ କିଛି ଶିକ୍ଷାର ଆବଶ୍ୟକତା ରହିଛି ତେଣୁ କେଉଁ ବିଷୟରେ ଶିଖିବି ବୋଲି ଭାବିଲି । ପରେ ଏହି ପୋଡପିଠା ବିଷୟରେ ହିଁ ଶିକ୍ଷାଲାଭ ପାଇଁ ମାନ ବଳାଇଲି । ପ୍ରଥମେ Google ରେ search କଲି ଓଡିଆରେ “ପୋଡପିଠା” । ମୋତେ ଜାଣିବାର ଥିଲା ପୋଡପିଠା କେମିତି ତିଆରି କରାଯାଏ ? କିନ୍ତୁ ମୁଁ ଓଡିଆରେ ସେପରି କିଛି ସଠିକ ଓ ସଂପୂର୍ଣ୍ଣ ବିଷୟ ପାଇପାରିଲି ନାହିଁ ପୋଡପିଠା ବିଷୟରେ । କେବଳ ଓଡିଆ ସମାଜ ଖବରକାଗଜର କିଛି ଅଂଶ ପାଇପାରିଲି ଯେଉଁଥିରେ କେବଳ “ରଜ ପର୍ବ” ବିଷୟରେ ବର୍ଣ୍ଣନା ଥିଲା ପୋଡପିଠାର ମହତ୍ଵ କୁ ନେଇ । କିନ୍ତୁ ଯେତେବେଳେ English ରେ “Podopitha” search କଲି ସେତେବେଳେ କିଛି Paragraph ମିଳିଲା ପୋଡପିଠାର making process ବିଷୟରେ । କିଛି paragraph ରେ special ଓଡିଶାର ପୋଡପିଠା ବିଷୟରେ ବର୍ଣ୍ଣନା ଥିଲା ଯାହାକୁ ଏକ special CAKE ରୂପରେ ବର୍ଣ୍ଣନା କରା ଯାଇଥିଲା । ସେଠାରୁ ମଧ୍ୟ ସଂପୂର୍ଣ୍ଣ ଭାବେ ବୁଝି ପାରିଲି ନାହିଁ ଯେହେତୁ ବ୍ୟବହାର ହୋଇଥିବ ଜିନିଷର ନାମ ବିଷୟରେ ।

ପରିଶେଷରେ ବୋଉଙ୍କୁ ପଚାରି ଏହି ବିଷୟକୁ ସମ୍ପୂର୍ଣ୍ଣ ଭାବେ ବୁଝିଲି । ମୁଁ ପଚାରିଲି ପୋଡପିଠା କେମିତି ତିଆରି କରାଯାଏ ? ସେ ଯେତେବେଳେ ଏହି ପ୍ରଶ୍ନ ହଠାତ୍ ଶୁଣିଲେ ସେ ଆଶ୍ଚର୍ଯ୍ୟ ହୋଇଗଲେ ମୁଁ ଲେଖିବା ଦେଖିକି । ମୋତେ ପଚାରିଲେ ଏହା କଣ ଲେଖୁଛୁ? ମୁଁ କହିଲି ଏବେ କେହି ଏହି ଜିନିଷ କରିପାରୁ ନାହାନ୍ତି କିମ୍ବା ବର୍ତ୍ତମାନର ପିଲାମାନେ ଏହି ବିଷୟରେ ଠିକ ଭାବେ ଜାଣି ପାରୁନାହାନ୍ତି ତେବେ ମୁଁ ନ ଲେଖିଲେ ଅନ୍ୟମାନେ ଜାଣିବେ କିପରି ? ତା ପରେ ସେ ମଧ୍ୟ ଆଜିକାଲିର ପିଠା online order କୁ ଥଟା କଲେ ଓ ପୋଡପିଠା ର Process କହିଲେ ।

ପୋଡପିଠା:-

ଆବଶ୍ୟକୀୟ ସାମଗ୍ରୀ:-

1. ଅରୁଆ ଚାଉଳ / ସୁଜି

2. ବିରି

3. କଖାରୁ/ବୋଇତାଳୁ , କନ୍ଦମୂଳ

4. ଗୁଡ / ଚିନି

5. ନଡିଆ

6. କାଜୁ କିଶ୍ ମିଶ୍

7. ଘିଅ / ତେଲ

8. ଅଦା, ଲବଙ୍ଗ, ଗୋଲ ମରିଚ ତେଜ ପତ୍ର, ବାଦାମ

ପ୍ରସ୍ତୁତି ପ୍ରଣାଳୀ :-

ପ୍ରଥମେ ଅରୁଆ ଚାଉଳ ଓ ବିରି କୁ ପାଣିରେ ଓଦା କରି ରଖାଯାଏ ଅଧିକ ଟିକେ ସମୟ ପାଇଁ, ରାତିରେ ଓଦା କରି ରଖାଯାଏ ଓ ସକାଳୁ ଏହାକୁ grinding କରାଯାଇ ଚୂନା କରାଯାଏ ।

ପାଣିକୁ ଗରମ କରି ବୋଇତାଳୁ/କଖାରୁ ଓ କନ୍ଦମୂଳ କୁ ସିଝା ଯାଏ ।

ସ୍ଵାଦ ପାଇଁ ଆବଶ୍ୟକତା ଅନୁସାରେ ଚାଉଳ, ବିରି, ଚୂନା, ବୋଇତାଳୁ , କନ୍ଧମୂଳ ସିଝା, ସୁଜି, ଗୁଡ ଓ ଅନ୍ୟାନ୍ୟ ସମସ୍ତ ସାମଗ୍ରୀ ର ମିଶ୍ରଣ ଏକ ଖୋଲା ପାତ୍ରରେ କରାଯାଏ ।

ଏହାପରେ ଏକ ବଡ ହାଣ୍ଡି କାଠ ଚୁଲି ରେ ବସାଇ ସେଥିରେ ପାଳ କୁ ରଖାଯାଇ ପାଣି ଦିଆ ଯାଏ ତାହା ଉପରେ କିଛି ଛୋଟ ଛୋଟ କାଠି କୁ ସଜାଯାଏ ଯାହା ପୀଠାରେ ଚିହ୍ନ ରଖିବାରେ ସାହାର୍ଯ୍ୟ କରିଥାଏ ତେଣୁ ପିଠାକୁ କାଟିବାରେ ସୁବିଧା ହୋଇଥାଏ ।

ତାହା ଉପରେ କିଛି ପତ୍ର ରଖାଯାଇ ମିଶ୍ରଣକୁ ପାକାଯାଏ । ଉପରେ ପୁଣି ପତ୍ରରେ ଘୋଡାଇ ଦିଆ ଯାଏ । କିଛି ସମୟ ପରେ ଉପରେ ଚୁଲିରୁ କିଛି କାଠ ନିଆଁ କୁ ବାହାର କରା ଯାଇ ଉପରେ ପକାଯାଏ ଯାହାଦ୍ଵାରା ପିଠା ଭଲ ଭାବରେ ସିଝି ଥାଏ । ଏହା ପ୍ରାୟତଃ ଏକ ଘଣ୍ଟା ସମୟ ନେଇଥାଏ ।

କିନ୍ତୁ ବର୍ତ୍ତମାନ ଯେହେତୁ କେହି କାଠ ଚୁଲା ବ୍ୟବହାର କରାଯାଉ ନାହିଁ ତେଣୁ ଲୋକମାନେ pressure cooker ଓ gas chula ବ୍ୟବହାର କରନ୍ତି । ତେଣୁ ପ୍ରଥମେ pressure cooker ର ଭିତର ଅଂଶ କୁ ଭଲ ଭାବରେ ଘିଅ କିମ୍ବା ତେଲ ଲଗା ଯାଏ ଓ ପରେ ସବୁକିଛି ଭିତରେ ପକା ଯାଏ ଓ ଢାଙ୍କୁଣୀ କୁ ଘୋଡାଇ ଦିଆ ଯାଏ । ନିର୍ଦ୍ଧିଷ୍ଟ ସମୟ ଅବଧିରେ ପିଠା ପ୍ରସ୍ତୁତ ହୋଇ ଯାଏ ।

ପରିଶେଷରେ ଏହାକୁ ବିଭିନ୍ନ ଅକାରରେ ଭଲ ଭାବରେ କଟା ହୁଏ ଓ ପରିବାର ଏବଂ ପଡୋଶୀଙ୍କ ସହ ଏହି ସୁସ୍ଵାଦୁ ଭୋଜନ ମଜା ଅତି ଆନନ୍ଦରେ ନିଆଯାଏ ।