Doctor's Day

ସୃଷ୍ଟି ଗଢ଼ିଛନ୍ତି ସେହି ସୃଷ୍ଟି କର୍ତ୍ତା ମାନବ ବିଶ୍ୱାସ ଏହି,

ମନେ ରୂପ ଦେଇ ଭଗବାନ ନାମେ ମନରେ ପୂଜା କରଇ ।

ଶିଶୁ ଜନ୍ମ ନିଏ ଡକ୍ଟର ହାତରେ ସେ ଯେ ଦ୍ବିତୀୟ ଇଶ୍ଵର,

ମୃତ୍ୟୁର ମୁଖରୁ ଜୀବନ ଫେରାଇ ଆଣିପାରେ କର୍ମ ତାର ।

ରୋଗ ନିକଟରେ ରୋଗୀ ହାରିଗଲେ ସାହା ଡାକ୍ଟରୀ ଔଷଧ,

ଶେଷେ ଯେବେ ସେହି ହାତ ଟେକିଦ୍ୟନ୍ତି ଆଶା ବିଭୁ ଆଶିର୍ବାଦ ।

ଡକ୍ଟର ହୁଅନ୍ତି ଦ୍ବିତୀୟ ଇଶ୍ଵର ଭାଇ ଜଣେ କଲେ ପ୍ରଶ୍ନ,

କିଏ ଅଟେ ରୋଗୀ? ଅସ୍ଥିତ୍ଵ ତାହାର ହୁଏନି ଲୋକଲୋଚନ ।

ସ୍ବାସ୍ଥ୍ୟ ଅବହେଳା ରୋଗର କାରଣ କରେ ଯିଏ ସେହି ରୋଗୀ,

ଆଳସ୍ୟ ଆୟାଷ ଖାଦ୍ୟ ପେୟ ବାସ ଆଦି ଅଟେ ସହଯୋଗୀ ।

ସୁଖ କାଳେ ଭୁଲି ଯାଇ ପାରେ ଭକ୍ତ ଭଜିବାକୁ ପ୍ରଭୂ ନାମ,

ସୁସ୍ଥ ସମୟରେ ମନେ ରହେ ନାହିଁ ନେବାକୁ ସ୍ବାସ୍ଥ୍ୟ ଯତନ ।

ଯୋଗ ପ୍ରାଣାୟାମ କର୍ମ ତତ୍ପରତା ଅଟେ ଏହା ସମାଧାନ,

ସୁଖରେ ଜୀବନ ବଞ୍ଚିବା ପାଇଁକି ମନ୍ତ୍ର ସ୍ବାସ୍ଥ୍ୟ ମହା ଧନ ।

 ✎✎✍।।   ଭୋଳାଶଙ୍କର ସେଠୀ   ।। ✍🖊🖉